உலகக் கிண்ண இருபதுக்கு 20 கிரிக்கெட் தொடரின் முதல் சுற்றுக்கான நேற்று இடம்பெற்ற மற்றுமொரு போட்டியில் ஓமான் அணியை 26 ஓட்டங்களால் வீழ்த்தி பங்களாதேஷ் அணி வெற்றிபெற்றுள்ளது.

இந்த போட்டியில் முதலில் துடுப்பெடுத்தாடிய பங்களாதேஷ் அணி நிர்ணயிக்கப்பட்ட 20 ஓவர்கள் நிறைவில் சகல விக்கெட்டுகளையும் இழந்து 153 ஓட்டங்களைப் பெற்றுக்கொண்டது.

இதன்பின்னர் 154 என்ற வெற்றியிலக்கை நோக்கித் துடுப்பெடுத்தாடிய ஓமான் அணியால் 127 ஓட்டங்களை மாத்திரமே பெற்றுகொள்ள முடிந்தது.

இதனால் 26 ஓட்டங்களால் தோல்வியை சந்தித்த ஓமான் அணி ‘பி’ பிரிவில் புள்ளிப்பட்டியலில் இரண்டாவது இடத்தை தக்கவைத்துள்ளது.

இதேவேளை விளையாடிய இரண்டு போட்டியிலும் வெற்றிபெற்றுள்ள ஸ்கொட்லாந்து அணி 4 புள்ளிகளுடன் முதலாவது இடத்தில் உள்ளது

இந்த போட்டியில் பங்களாதேஷ் அணி வெற்றிபெற்றிருந்தாலும் 2 புள்ளிகளுடன் மூன்றாவது இடத்தில் உள்ளது.