தெற்கு அதிவேக நெடுஞ்சாலையில் இன்று (25) அதிகாலை இடம்பெற்ற வாகன விபத்தில் இராஜாங்க அமைச்சர் சனத் நிஷாந்த உயிரிழந்துள்ளார்.
1975 ஆம் ஆண்டு மே மாதம் 3 ஆம் திகதி சிலாபத்தில் பிறந்த சனத் நிஷாந்த பெரேராவிற்கு ஒரு மூத்த சகோதரியும் மூன்று சகோதரர்களும் உள்ளதாகத் தெரிவிக்கப்படுகிறது.
அவர்களில் ஒரு சகோதரர் தற்போது இறந்துவிட்டார்.
சனத் நிஷாந்த சிலாபம் செயின்ட் மேரி ஆண்கள் கல்லூரியின் முன்னாள் மாணவர்.
1997ஆம் ஆண்டு ஸ்ரீலங்கா சுதந்திரக் கட்சி சார்பில் ஆராச்சிக்கட்டுவ பிரதேச சபைக்கு போட்டியிட்ட போதிலும் அவரால் வெற்றிபெற முடியவில்லை.
உள்ளூராட்சி மன்றத் தேர்தலில் வெற்றி பெற்று தலைவரான சரத் ஹேமச்சந்திர படுகொலை செய்யப்பட்டதன் பின்னர், ஆராச்சிக்கட்டுவ உள்ளூராட்சி மன்ற உறுப்பினராக பணியாற்றும் வாய்ப்பு சனத் நிஷாந்தவுக்குக் கிடைத்தது.
2004 ஆம் ஆண்டு வடமேற்கு மாகாண சபைத் தேர்தலில் வெற்றிபெற்ற அவர் 2009 ஆம் ஆண்டு மாகாண சபைத் தேர்தலிலும் வெற்றி பெற்றார்.
மே 31, 2010 இல், அவர் வடமேற்கு மாகாண சபையின் மீன்பிடி, நெடுஞ்சாலைகள் மற்றும் மின்சக்தி அமைச்சராக நியமிக்கப்பட்டார்.
அண்மையில் நடைபெற்ற வடமேல் மாகாண சபைத் தேர்தலில் 62,996 விருப்பு வாக்குகளைப் பெற்று புத்தளம் மாவட்டத்தில் முதலாவதாகத் தெரிவான அவர், மீண்டும் முன்னைய அமைச்சராகப் பதவியேற்றார்.
அந்த மாகாண சபையில் ஒரு காலத்தில் பதில் முதலமைச்சராகவும் அவரால் பதவி வகிக்க முடிந்தது.
2015 பாராளுமன்றத் தேர்தலில் தோற்று 80,082 விருப்பு வாக்குகளைப் பெற்ற சனத் நிஷாந்த பாராளுமன்றத்திற்குத் தெரிவு செய்யப்பட்டார்.
கோட்டாபய ராஜபக்ச ஜனாதிபதியாக பதவியேற்றதன் பின்னர் கடற்றொழில் இராஜாங்க அமைச்சராக பதவியேற்றதுடன், அதன் பின்னர் நடைபெற்ற பாராளுமன்ற தேர்தலில் புத்தளம் மாவட்டத்தில் இருந்து அதிகூடிய வாக்குகளை பெற்ற வேட்பாளரானார்.
அவர் இறக்கும் போது, தற்போதைய அரசாங்கத்தில் நீர் வழங்கல் துறை அமைச்சராகப் பணிபுரிந்தார்.
நேற்றிரவு (24ஆம் திகதி) சிலாபம் – பண்டாரவத்தை பகுதியில் உள்ள ஹோட்டல் ஒன்றில் இடம்பெற்ற திருமண விருந்தில் கலந்து கொண்டு கொழும்பு திரும்பிக் கொண்டிருந்த சனத் நிஷாந்த கட்டுநாயக்க – கொழும்பு அதிவேக நெடுஞ்சாலையில் பயணித்துக் கொண்டிருந்தார்.
சட்டத்தரணி சாமரி பெரேராவை மணந்த சனத் நிஷாந்த, மூன்று மகள்கள் மற்றும் ஒரு மகனின் தந்தையாவார்.
சனத் நிஷாந்தவினால் காலியாகும் பாராளுமன்ற உறுப்பினர் பதவிக்கு கடந்த தேர்தலில் போட்டியிட்ட ஜகத் பிரியங்கர தகுதி பெற்றுள்ளார்.
