ஸ்ரீலங்கா பொதுஜன பெரமுனவில் ஏற்பட்டுள்ள பிளவு மிகவும் உக்கிர நிலையை எட்டியுள்ளதாக தெரிவிக்கப்படுகின்றது.
பொதுஜன பெரமுனவில் இருந்து தனி வேட்பாளரை முன்வைக்க வேண்டும் என்ற கருத்துக்கு பாரபட்சமாக இருக்கும் பாராளுமன்ற உறுப்பினர்களின் எண்ணிக்கை ஒற்றை இலக்கமாக குறைந்துள்ளதாகவும் தெரிய வந்துள்ளது.
இதுவரை தனிப்பட்ட கருத்தை தெரிவிக்காமல், கட்சியின் கருத்தையும், உடன்பாட்டையும் எதிர்பார்க்கும் இராஜாங்க அமைச்சர் ஒருவர், தனது மாவட்ட உள்ளாட்சி பிரதிநிதிகளை அழைத்து கருத்து கேட்டதற்கு, அனைவரும் தற்போதைய ஜனாதிபதிக்கு ஆதரவு அளிக்க வேண்டும் என கோரியுள்ளார்கள்.
அவர் வேறுவிதமாக முடிவெடுத்தால் அவரை சமாளிக்க தயாராக இல்லை என்றும் குறிப்பிட்டுள்ளனர்.
இதற்கிணங்க, இராஜாங்க அமைச்சரும் தனது அசல் நிலைப்பாட்டை மாற்றிக் கொண்டு ஜனாதிபதியுடன் தொடர தீர்மானித்துள்ளார்.
தற்போதைய நிலவரத்தின் அடிப்படையில், இன்று பிற்பகல் நடைபெற்ற பொதுஜன பெரமுனவின் நிறைவேற்று சபையில் வேட்பாளரை குறிப்பிடாமல் வேட்பாளரை மேலும் பரிசீலிக்க குழுவொன்று நியமிக்கப்படும் என பேசப்படுகின்றது.
ஸ்ரீலங்கா பொதுஜன பெரமுன இன்னும் சில நாட்கள் தாமதிக்கத் தயாராக இருப்பதாக அதன் உள்ளகத் தகவல்கள் மேலும் தெரிவிக்கின்றன.
