தாம் நாட்டைக் கைப்பற்றவில்லை என்றும், நாட்டைக் கைப்பற்றுவதற்கு எவரும் இல்லாத காரணத்தினால் தான் நாட்டை பொறுப்பேற்க நேரிட்டது என்றும் சுயேச்சை ஜனாதிபதி வேட்பாளர் ரணில் விக்கிரமசிங்க தெரிவித்துள்ளார்.
இலங்கை வெற்றி பேரணி தொடரின் கெஸ்பேவ மக்கள் பேரணியில் கலந்து கொண்டு உரையாற்றும் போதே ரணில் விக்கிரமசிங்க இதனைக் குறிப்பிட்டுள்ளார்.
“.. நாடு நெருக்கடியில் இருந்தபோது, அதை என்னால் பொறுப்பேற்க முடிந்தது, அதை மாற்ற முடிந்தது, நான் அதை ஒரு நம்பிக்கையில் செய்தேன், நான் யாரிடமிருந்தும் நாட்டை எடுக்கவில்லை, அதை எடுக்க யாரும் இல்லை.”
“இப்போது நாடு கொஞ்சம் கொஞ்சமாக மீண்டு வருகிறது. அதை இப்போது உறுதிப்படுத்த வேண்டும். அதைச் செய்ய இன்னும் மூன்று அல்லது நான்கு ஆண்டுகள் ஆகும். அதற்கான ஆணையைக் கோர முன் வந்தேன்.”
“வாழ்க்கையை எளிதாக்குவதற்கும், வரிகளைக் குறைப்பதற்கும், வேலைகளை உருவாக்குவதற்கும் எங்களிடம் திட்டம் உள்ளது.”
