உயிர்த்த ஞாயிறு தாக்குதலுடன் தொடர்புடைய மூளையாக செயல்பட்டவர்கள் தண்டிக்கப்பட வேண்டும் என்று கூறி ஐக்கிய மக்கள் சக்தியின் உறுப்பினர்கள் பலர் இன்று (30) சட்டமா அதிபர் திணைக்களத்திற்கு வருகை தந்துள்ளனர்.

உயிர்த்த ஞாயிறு தாக்குதலில் ஈடுபட்டவர்கள் மற்றும் அரசியல் அதிகாரத்திற்கு எதிராக குற்றப் புலனாய்வு திணைக்களம் முன்வைத்த தகவலின் பிரகாரம் குற்றவியல் சட்டத்தை நடைமுறைப்படுத்துமாறு ஐக்கிய மக்கள் சக்தியின் சட்டத்தரணிகள் சங்கம் சட்டமா அதிபரிடம் கோரிக்கை விடுத்துள்ளது.

அக்கட்சியின் நாடாளுமன்ற உறுப்பினர் ஹெக்டர் அப்புஹாமி கருத்துத் தெரிவிக்கையில்;

“..ஈஸ்டர் தாக்குதலுக்கு மூளையாக செயல்பட்டவரை யார் மறைத்தார்கள் என்பதுதான் எமக்கு பெரும் பிரச்சினை. யாரோ மறைந்திருப்பதைக் காணமுடிகிறது. அவர்கள் பதுங்கியிருக்கும் இடத்திலிருந்து அவர்களை வெளியே கொண்டுபோய் ஈஸ்டர் தாக்குதலுக்கு மூளையாக செயல்பட்டவர்களை நீதிமன்றம் தண்டிக்க வேண்டும். ஜனநாயக நாட்டில் மக்களின் உரிமைகளோடு அப்பாவியாக வாழ்ந்து சர்ச்சுக்குப் போன அப்பாவி மக்கள் கண்மூடித்தனமாக கொல்லப்பட்டனர்.

அந்த கொலையாளிகளை வருடக்கணக்கில் பிடிக்க முடியாவிட்டால் ஆட்சியில் இருக்க உரிமை இல்லை. அது மட்டுமல்ல இதன் பின்னணியில் மூளையாக இருந்து சில செயற்பாடுகளில் ஈடுபட்டுள்ள குழு உள்ளது, அவர்களுக்கும் உரிய தண்டனை வழங்கப்பட வேண்டும். சட்டத்தின் நீதியை கோருகின்றோம். ஐக்கிய மக்கள் சக்தி என்ற வகையில் இது எமது அரசாங்கத்தில் மட்டுமன்றி தற்போது செய்யப்பட வேண்டும். இப்போது செய்ய வேண்டிய வற்புறுத்தலைச் செய்ய தயாராக இருக்கிறோம். இதை நாங்கள் கைவிட மாட்டோம்..”