தேசியப் பிரச்சினைக்கான தீர்வாக ஏற்கனவே முன்வைக்கப்பட்டுள்ள அரசியலமைப்பின் 13வது திருத்தம் முழுமையாக அமுல்படுத்தப்பட வேண்டும் என ஜே.வி.பி தலைமையிலான தேசிய மக்கள் சக்தி தெரிவித்துள்ளது.
எவ்வாறாயினும், 13வது திருத்தத்தை முழுமையாக அமுல்படுத்துவது தேசிய பிரச்சினைக்கு தீர்வு காண உதவுமா என்ற விவாதம் தமது கட்சிக்குள் இடம்பெற்றுள்ளதாக தேசிய மக்கள் சக்தியின் பாராளுமன்ற உறுப்பினர் ஹரிணி அமரசூரிய தெரிவித்திருந்தார்.
13வது திருத்தச் சட்டத்தை அமுல்படுத்துவது தொடர்பில் ஜனாதிபதி ரணில் விக்கிரமசிங்கவின் வாக்குறுதிகள் மற்றும் முன்முயற்சிகள் மீது தமது கட்சிக்கு நம்பிக்கை இல்லை என்றும் அவர் கூறினார். “இந்த நிலையில் 13வது திருத்தத்தை முழுமையாக அமுல்படுத்துவது பற்றி அவர் ஏன் பேசுகிறார்? அவருக்கு போதுமான நேரமும் வாய்ப்புகளும் இருந்தன. எனவே, அவரது வாக்குறுதிகள் வெற்று வார்த்தைகள் என்று நாங்கள் நம்புகிறோம், மேலும் அவர் திருத்தத்தை அமுல்படுத்துவதை முன்னெடுத்துச் செல்லமாட்டார்” என்று பாராளுமன்ற உறுப்பினர் ஹரிணி அமரசூரிய தெரிவித்திருந்தார்.
13வது திருத்தத்தை முழுமையாக அமுல்படுத்துவது தொடர்பான தேசிய மக்கள் சக்தியின் நிலைப்பாட்டை விளக்குமாறு கேட்டபோது, ஹரிணி அமரசூரிய கூறினார்: “இது தேசிய பிரச்சினைக்கான தீர்வாக முன்வைக்கப்பட்டுள்ளது. இது ஏற்கனவே அரசியலமைப்பில் உள்ளது மற்றும் அது நடைமுறைப்படுத்தப்பட வேண்டும் என்று நாங்கள் நம்புகிறோம், ஆனால் தேசிய பிரச்சினைக்கு இது ஒரு உறுதியான தீர்வாக இருக்குமா என்ற விவாதம் உள்ளது. தமிழ் மக்களின் பிரச்சினைகளுக்கு தீர்வு காணும் உண்மையான நோக்கத்துடன் கூடிய அரசாங்கம் தேசியப் பிரச்சினைக்கான தீர்வைக் கொண்டு வர வேண்டும் என்பதே எமது நிலைப்பாடாகும், ஏனைய கட்சிகள் மீது எமக்கு நம்பிக்கை இல்லை, ஆனால் தேசிய மக்கள் சக்தியினால் மட்டுமே அதனைச் செய்ய முடியும்..” எனத் தெரிவித்திருந்தார்.
