இவ்வருடம் 50 கிலோ கிராம் MOP உர மூட்டை ஒன்றின் விலையை 10,000 ரூபாவாக குறைப்பதற்கு விவசாய அமைச்சர் மஹிந்த அமரவீரவின் ஆலோசனையின் பேரில் அமைச்சரவை பத்திரத்தை தயாரிக்க விவசாய அமைச்சு நடவடிக்கை எடுத்துள்ளது.
2022/23 உயர் பருவத்தில் 42,000 மெட்ரிக் தொன் பண்டி உரம் இலங்கைக்கு இறக்குமதி செய்யப்பட்டதுடன் பண்டி உரம் ஒரு கோணியின் விலை 19,500 ரூபாவாகும். அப்போதைய உலக உர விலைக்கு ஏற்ப முடிவு எடுக்கப்பட்டாலும், அதிக விலை காரணமாக பல விவசாயிகள் பண்டி உரங்களை வாங்கவில்லை.
பண்டி உரம் இருப்பில் இருந்து இதுவரை 3,00 மெட்ரிக் தொன் அல்லது மொத்த உர இருப்பில் 10 சதவீதத்திற்கும் குறைவாக விற்பனை செய்யப்பட்டுள்ளது. இம்முறை சில நெற்பயிர்களில் பயிர் மஞ்சள் நிறமாக காணப்படுவதற்கு பண்டி உரம் இடாதமையே காரணம் என விவசாய திணைக்களம் தெரிவிக்கின்றது.