வெள்ளை வேனில் வந்த ஆயுதம் தாங்கிய குழுவினால் கடத்தப்பட்டு பாலியல் துன்புறுத்தலுக்கு உட்படுத்தப்பட்டதாக பொலிஸில் பொய் முறைப்பாடு செய்த குற்றச்சாட்டின் பேரில் கொழும்பில் உள்ள சுவிஸ் தூதரக அதிகாரி கானியா பன்னிஸ்டர் பிரான்சிஸுக்கு எதிராக தாக்கல் செய்யப்பட்ட குற்றப்பத்திரிகையை கொழும்பு மேல் நீதிமன்றம் இன்று திருத்தியுள்ளது.
இந்த வழக்கு இன்று கொழும்பு மேல் நீதிமன்ற நீதிபதி நாமல் வலெல்ல முன்னிலையில் விசாரணைக்கு வந்தது.
சட்டமா அதிபரினால் முன்வைக்கப்பட்ட கோரிக்கையின் பிரகாரம், குறித்த குற்றப்பத்திரிகையில் திருத்தம் செய்ய நீதிபதி அனுமதி வழங்கினார்.
அதன்பின், வழக்கை ஜூன் 15-ம் திகதிக்கு விசாரணைக்கு எடுத்துக் கொள்ளுமாறு நீதிமன்றம் உத்தரவிட்டது.
செயின்ட் பிரிட்ஜெட் கான்வென்ட் அருகே, வெள்ளை வேனில் வந்த ஆயுதம் தாங்கிய குழுவொன்றினால் கடத்தப்பட்டு, வெள்ளை வேனில் வந்த ஆயுதம் தாங்கிய குழுவினரால் விசாரணைக்கு உட்படுத்தப்பட்டதாக பொலிஸில் பொய்யான முறைப்பாட்டைச் சமர்ப்பித்ததற்காக கானியா பன்னிஸ்டர் பிரான்சிஸ் மீது சட்டமா அதிபர் வழக்குத் தாக்கல் செய்துள்ளார்.
