மெகா பொலிஸ் அல்லது மாநகர அபிவிருத்தித் திட்டத்தை நடைமுறைப்படுத்துவதற்கான செயல்திட்டத்தை தயாரிக்க நகர அபிவிருத்தி அதிகாரசபை நடவடிக்கை எடுத்துள்ளது.
திட்டத்தை மீள அமுல்படுத்துமாறு ஜனாதிபதி வழங்கிய பணிப்புரைக்கு அமைய இந்த நடவடிக்கை எடுக்கப்பட்டுள்ளதாக அதன் பணிப்பாளர் நாயகம் பிரசாத் ரணவீர தெரிவித்தார்.
இந்த செயல் திட்டமும் வழிகாட்டுதல்களும் சிங்கப்பூர் நிறுவனத்தின் வழிகாட்டுதலின் கீழ் உருவாக்கப்படும்.
2015 இல் ஒரு மெகா பொலிஸ் அல்லது நகராட்சி மேம்பாட்டுத் திட்டம் தயாரிக்கப்பட்டது.
அதன் கீழ் கொழும்பு மாவட்டத்தை மையமாக கொண்டு மேல்மாகாணத்திலும், திருகோணமலை மாவட்டத்தை மையமாக கொண்டு கிழக்கு மாகாணத்திலும், அம்பாந்தோட்டை மாவட்டத்திலும், யாழ்ப்பாண மாவட்டத்திலும் மெகா நகர திட்டத்தை நடைமுறைப்படுத்த முன்மொழியப்பட்டது.
ஆனால், பின்னர் அந்த திட்டம் செயல்படுத்தப்படவில்லை என்பதும் குறிப்பிடத்தக்கது..
