பொதுஜன பெரமுனவின் உறுப்பினர்கள் குழுவொன்று எதிர்கட்சியில் ஆசனம் பெறலாம் என தகவல்கள் வெளியாகியுள்ளன.
நாடாளுமன்ற உறுப்பினர் நாமல் ராஜபக்ஷவை எதிர்க்கட்சித் தலைவராக நியமிக்கும் நோக்கில் எனவும் ஊடகங்கள் தெரிவிக்கின்றன.
அண்மையில் இடம்பெற்ற கலந்துரையாடலில் இந்த தீர்மானம் தொடர்பிலான விடயங்கள் விரிவாக ஆராயப்பட்டதாகவும், பல்வேறு முரண்பட்ட கருத்துக்கள் எழுந்துள்ள போதிலும், பொதுஜன பெரமுனவின் எதிர்காலத்தை பாதுகாப்பதற்காக இவ்வாறானதொரு கடுமையான தீர்மானத்தை மேற்கொள்ள வேண்டியுள்ளதாக தெரிவிக்கப்பட்டுள்ளது.
பொதுஜன பெரமுனவின் சிரேஷ்ட உறுப்பினர்களுக்கு அமைச்சுப் பதவி வழங்காமை தொடர்பில் ஜனாதிபதி ரணில் விக்கிரமசிங்க தீர்மானம் எடுக்க வேண்டுமென பொதுஜன பெரமுனவின் சிரேஷ்ட உறுப்பினர்கள் மாவட்டத் தலைவரும் அண்மையில் வருத்தம் தெரிவித்திருந்தனர்.
ஆனால் இக்கலந்துரையாடலில் இறுதித் தீர்மானத்தை எட்டுவது தொடர்பில் மேலும் பரிசீலித்து தற்போதைய அரசாங்கத்தின் நடவடிக்கைகளை மிகக் குறுகிய காலத்திற்கு ஆராய்ந்து முடிவெடுக்க வேண்டும் என தெரிவிக்கப்பட்டுள்ளது.
