நாடாளுமன்ற வாக்களிப்பு முறையை கலப்பு முறைக்கு மாற்றுவது தொடர்பில், மக்கள் ஆணைக்கு அமைய அமைச்சரவையில் முன்வைக்கப்பட்ட பிரேரணை தொடர்பில் பாராளுமன்றத்தை பிரதிநிதித்துவப்படுத்தும் கட்சிகளின் கருத்துக்களை அறியும் வகையில் இன்று மாலை பாராளுமன்ற கட்டிடத் தொகுதியில் இடம்பெறும் கலந்துரையாடலில் எதிர்க்கட்சித் தலைவர் உட்பட அனைத்து தரப்பினரையும் பங்கேற்குமாறு பிரதமர் தினேஷ் குணவர்தன கேட்டுக்கொண்டுள்ளார்.
இன்று (18) காலை பாராளுமன்றத்தில் எதிர்க்கட்சித் தலைவர் குறித்த கலந்துரையாடலில் கலந்து கொள்ளப் போவதில்லை என தெரிவித்த போதே அவர் இந்தக் கோரிக்கையை விடுத்தார்.
நாடாளுமன்றத் தேர்தல் முறையை மாற்றியமைத்து கலப்பு வாக்களிப்பு முறைமை மாற்றியமைக்கும் யோசனை மக்கள் ஆணையின்படி நல்லெண்ணத்துடன் முன்வைக்கப்படுவதாகவும், இதற்காக மக்கள் காத்திருப்பதாகவும், உள்ளூராட்சித் தேர்தல் இன்னும் இரத்துச் செய்யப்படவில்லை எனவும் பிரதமர் தெரிவித்தார்.
பொது நிர்வாக அமைச்சகத்தின் ஆலோசனைக் குழுவில். உள்ளூராட்சி வாக்கெடுப்பை இரத்து செய்யுமாறு பாராளுமன்ற உறுப்பினர்கள் வேண்டுகோள் விடுத்ததாகவும், மனசாட்சிப்படி நல்லெண்ணம் என்ற வார்த்தைக்கு அர்த்தம் சொல்ல வேண்டும் என்றும் குறிப்பிட்டார்.
நாடு வங்குரோத்து நிலையில் இருந்த போதே உள்ளூராட்சி சபைத் தேர்தல் அறிவிக்கப்பட்டதாகவும், ஆனால் அதற்கு அரசாங்கப் பணம் இல்லை என நிதியமைச்சின் செயலாளர் நல்லெண்ணத்துடன் கூறியதாகவும் அவர் தெரிவித்திருந்தார்.
வாக்களிப்பு முறை மாற்றம் தொடர்பில் மூன்று குழுக்களின் அறிக்கைகள் பாராளுமன்றத்தில் சமர்ப்பிக்கப்பட்டுள்ளதாகவும் பிரதமர் தெரிவித்தார்.
இதன்படி, உள்ளுராட்சி மன்ற வாக்களிப்பு முறையை மாற்றி முதலாவது தேர்தல் நடத்தப்பட்டதாகவும், மாகாண சபைத் தேர்தல் சட்டத்தை மாற்ற முற்பட்ட போது அது தடுக்கப்பட்டதாகவும் பிரதமர் தினேஷ் குணவர்தன தெரிவித்தார்.
இதன்காரணமாக 18.10.2023 அன்று பிற்பகல் கட்சித் தலைவர்கள் கூட்டத்தில் கலந்து கொள்ள வேண்டும் எனவும், சந்தேகங்களை எழுப்பி அரசியல் அல்லது அவ்வாறான மாற்றங்களைச் செய்ய முடியாது எனவும் அவர் வலியுறுத்தியுள்ளார்.
