பதில் பொலிஸ் மா அதிபராக தேஷபந்து தென்னகோன் இன்று (30) காலை பொலிஸ் தலைமையகத்தில் தனது கடமைகளை பொறுப்பேற்றுக் கொண்டார்.
அனைத்து மத சடங்குகளுக்கு மத்தியில் அவர் பதவியேற்றார் மற்றும் பல மூத்த பொலிஸ் அதிகாரிகள் நிகழ்ச்சியில் கலந்து கொண்டனர்.
பதில் பொலிஸ் மா அதிபராக தேஷபந்து தென்னகோனை ஜனாதிபதி நேற்று (29) நியமித்ததன் பின்னர், கொழும்பு ஹுனுப்பிட்டிய கங்காராம விகாரைக்குச் சென்று மத வழிபாடுகளில் ஈடுபட்டார்.
அங்கு செய்தியாளர்களிடம் பேசிய அவர், போதைப்பொருள் மற்றும் திட்டமிட்ட குற்றச்செயல்களுக்கு எதிராக தேசிய பாதுகாப்புக்கு முன்னுரிமை அளித்து செயல்படுவதாக தெரிவித்திருந்தார்.
