உலகக் கிண்ண கால்பந்தினை நான்கு முறை வென்ற மரியோ ஜகாலோவின் (Mario Zagallo) மறைவுக்கு பிரேசில் கால்பந்து கூட்டமைப்பு ஏழு நாட்கள் துக்கம் அனுசரிப்பதாக அறிவித்துள்ளது.
தனது 92வது வயதில் நேற்று காலமான Mario Zagallo, பிரேசில் கால்பந்தில் மிகவும் முக்கியமானவர்.
ஃபிஃபா உலகக் கிண்ணத்தினை ஒரு வீரராகவும் மேலாளராகவும் வென்ற உலகின் முதல் நபர் Mario Zagallo ஆவார்.
கூடுதலாக, 1990 இல் ஐக்கிய அரபு எமிரேட்ஸின் முதல் உலகக் கிண்ண கால்பந்து போட்டிக்கு Mario Zagallo தலைமை தாங்கினார்.
பிரேசிலிய கால்பந்து கூட்டமைப்பு மற்றும் பிரேசிலிய கால்பந்து ஆகியவை பிரேசிலிய கால்பந்தாட்டத்தின் தலைசிறந்த ஜாம்பவான்களில் ஒருவரான Mario Zagallo மறைவுக்கு இரங்கல் தெரிவிக்கின்றன என்று பிரேசிலிய கால்பந்து கூட்டமைப்பு தலைவர் எட்னால்டோ ரோட்ரிக்ஸ் நேற்று தெரிவித்தார்.
1958 உலகக் கிண்ண இறுதிப் போட்டியில் புரவலர்களான ஸ்வீடனுக்கு எதிரான வெற்றியில் Mario Zagallo ஒரு கோல் அடித்தார், மேலும் நான்கு ஆண்டுகளுக்குப் பிறகு சிலியில் பீலே (Pele) மற்றும் கரிஞ்சா (Garrincha)போன்றவர்களுடன் இணைந்து பிரேசில் மீண்டும் உலகக் கிண்ணங்களை வெல்ல உதவினார்.
தனது தந்திரோபாய நுண்ணறிவால் The Professor என்ற பட்டத்தைப் பெற்ற Mario Zagallo, 1994 ஆம் ஆண்டு பிரேசில் நான்காவது முறையாக கால்பந்து உலகக் கிண்ணத்தினை வென்றபோது, Carlos Alberto Parreiraவின் உதவிப் பயிற்சியாளராகப் பணிபுரிந்தார்.
‘அவர் எப்போதும் பிரேசிலிய கால்பந்தின் Godfatherஎன்று நினைவுகூரப்படுவார், மேலும் Mario Zagallo இல்லாதது கால்பந்தில் ஈடுபட்டுள்ள அனைவராலும், குறிப்பாக ஃபிஃபாவால் ஆழமாக உணரப்படும். Mario Zagallo இல்லாமல் ஃபிஃபா உலகக் கிண்ண கதையை சொல்ல முடியாது..’
