இந்நாட்களில் நிலவும் வரட்சியான காலநிலை உடலுக்கு மிகவும் பாதிப்பை ஏற்படுத்தும் என்பதால் பகலில் நிழலில் தங்கி முடிந்தளவு தண்ணீர் அருந்துமாறு அனுராதபுரம் போதனா வைத்தியசாலையின் வெளிநோயாளர் பிரிவு பிரதம வைத்திய அதிகாரி வைத்தியர் ஹேமா வீரகோன் தெரிவித்தார்.
குறிப்பாக வெயிலில் பயணம் செய்தால் ஹெல்மெட் அல்லது குடையை பயன்படுத்தவும், அத்தியாவசிய பணியாக இருந்தால் சன் கிரீம் பயன்படுத்தவும் அறிவுறுத்துகிறார்.
வெள்ளரிக்காய், முலாம்பழம் போன்றவற்றைத் தொடர்ந்து உட்கொள்வது உடலுக்கு நல்லது என்று குறிப்பிடும் கலாநிதி ஹேமா வீரகோன், நாளொன்றுக்கு அதிகளவு தண்ணீர் அருந்துவது அவசியம் என்றும் கூறுகிறார்.
இந்த நாட்களில் விளையாட்டுகளின் போது குழந்தைகளை கடுமையான வெயிலில் வெளிப்படுத்துவது மிகவும் தீங்கு விளைவிக்கும் என்பதால், குழந்தைகளை கடுமையான வெயிலில் விளையாட அனுமதிக்கக்கூடாது என்றும் அவர் கேட்டுக் கொண்டார்.
தற்போது நிலவும் வரட்சியுடனான சூடான காலநிலை காரணமாக தோல் நோய்களும் பரவி வருவதால், சூரிய ஒளியை மறைப்பதற்கு சன் கிரீம் பயன்படுத்துமாறும் கூறியுள்ளார். மேலும், மேலும் இந்த காலநிலையில் சிறுநீர் சம்பந்தமான நோய்கள் அதிகம் ஏற்படுவதாக வைத்தியர் தெரிவித்துள்ளார்.
மனிதர்களின் அதிகப்படியான மாசுபாட்டால் ஓசோன் படலம் அழிந்துவிட்டதால் கதிர்கள் நேரடியாக உடலில் விழுவதே இந்த நிலைக்கு காரணம் என்று அவர் கூறினார்.
பகலில் சூரிய ஒளி படுவதால் மரணம் கூட ஏற்படலாம் என்பதால், அத்தியாவசிய விஷயங்களில் சுகாதாரப் பாதுகாப்பு முறைகளைப் பயன்படுத்தி மக்கள் தங்கள் பணியில் ஈடுபட வேண்டும் என்றும் மருத்துவர் கேட்டுக்கொள்கிறார்.
