20 இலட்சம் சொத்தான காணி உறுதிகளை வழங்கும் “உறுமய” தேசிய வேலைத்திட்டத்தின் கீழ் மொனராகலை மாவட்டத்தின் 11 பிரதேச செயலகப் பிரிவுகளில் தகுதியான 41,960 பேரில் 600 பேர் சார்பாக அடையாள உறுதிப் பத்திரங்கள் வழங்கும் நிகழ்வு இன்று (30) இடம்பெற்றது.
ஜனாதிபதி ரணில் விக்கிரமசிங்க தலைமையில் வெல்லவாய மஹிந்த ராஜபக்ச மாநாட்டு மண்டபத்தில் குறித்த நிகழ்வு இடம்பெற்றது.
“உறுமய” தேசிய வேலைத்திட்டத்தின் கீழ் மொனராகலை மாவட்டத்தில் அதிகூடிய காணி உறுதிப் பத்திரங்களைக் கொண்ட பிரதேச செயலகப் பிரிவில் குளங்களை புனரமைப்பதற்காக மேலதிக ஒதுக்கீடாக 25 மில்லியன் ரூபா வழங்கப்படவுள்ளதாக ஜனாதிபதி அங்கு தெரிவித்தார்.
