இலங்கையின் வெளிநாட்டுக் கடன் 37 பில்லியன் டொலர்கள் என ஜனாதிபதி ரணில் விக்கிரமசிங்க நாடாளுமன்றத்தில் தெரிவித்திருந்தார்.
இதில் 10.6 பில்லியன் டாலர் இருதரப்புக் கடன்களும், 11.7 பில்லியன் டாலர் பலதரப்புக் கடன்களும், 14.7 பில்லியன் டாலர் வணிகக் கடன்களும், 12.5 பில்லியன் டாலர் இறையாண்மைப் பத்திரங்களும் அடங்கும் என்று ஜனாதிபதி குறிப்பிட்டிருந்தார்.
கடந்த ஜூன் மாதம் 26 ஆம் திகதி நாட்டின் உத்தியோகபூர்வ கடனாளிகளுடன் கடனை மீளச் செலுத்துவது தொடர்பாக உடன்பாடுகள் எட்டப்பட்டதாகவும், அமைச்சரவையினால் அங்கீகரிக்கப்பட்ட அதிகாரிகள் நாட்டைப் பிரதிநிதித்துவப்படுத்தும் உடன்படிக்கைகள் மற்றும் உடன்படிக்கைகளில் கைச்சாத்திட்டதாகவும் ஜனாதிபதி ரணில் விக்கிரமசிங்க பாராளுமன்றத்தில் விசேட அறிக்கையில் தெரிவித்திருந்தார்.
மேலும் ஜேவிபி தரப்பு பொய்யான பிரச்சாரங்களை முன்னெடுத்து வருவதாகவும் இதனால் அநுர குமாரவுக்கு இப்போதுள்ள ஆதரவும் இல்லாது போகும் என்றும் அவர் மேலும் தெரிவித்திருந்தார்.
