பங்களாதேஷின் இடைக்கால அரசின் தலைவராக நோபல் பரிசு பெற்ற முகமது யூனுஸ் பொறுப்பேற்றுள்ளதால் இந்தியா மகிழ்ச்சி அடைவதாக இந்திய பிரதமர் நரேந்திர மோடி தெரிவித்துள்ளார்.
பங்களாதேஷை விரைவாக மீட்டெடுப்பதும் இந்து சிறுபான்மையினரின் பாதுகாப்பை உறுதி செய்வதும் முக்கியம் என இந்தியப் பிரதமர் வலியுறுத்தியதாக இந்திய ஊடகங்கள் தெரிவிக்கின்றன.
அதுகுறித்து கருத்து தெரிவித்துள்ள இந்தியப் பிரதமர் தனது எக்ஸ் கணக்கில் ஒரு குறிப்பையும் இட்டுள்ளார்.
மேலும், அமைதி, பாதுகாப்பு மற்றும் மேம்பாட்டிற்கான இரு தரப்பினரின் பொதுவான அபிலாஷைகளை நிறைவேற்ற பங்களாதேஷுடன் இணைந்து பணியாற்ற இந்தியா உறுதிபூண்டுள்ளதாகவும் அதில் கூறப்பட்டுள்ளது.
பங்களாதேஷ் பிரதமர் ஷேக் ஹசீனா இராஜினாமா செய்து நாட்டை விட்டு வெளியேறினார், அரசாங்கம் கவிழ்ந்தது, ஜனாதிபதி முகமது ஷஹாபுதீன் நாட்டின் பாராளுமன்றத்தை கலைக்க வேண்டியிருந்தது.
வந்த இராணுவ ஆட்சியை நிராகரித்த போராட்டக்காரர்களின் கோரிக்கைக்கு இணங்க முஹம்மது யூனுஸுக்கு இந்த பதவி கிடைத்தது.
அமைதிக்கான நோபல் பரிசு பெற்ற யூனுஸ், பங்களாதேஷ் பொருளாதார நிபுணரும் சமூக தொழில்முனைவோரும் ஆவார், அவர் ஹசீனாவின் தீவிர எதிர்ப்பாளராக இருந்து சிறையில் அடைக்கப்பட்டுள்ளார்.
பங்களாதேஷில் புதிய அரசு அமையும் வரை முகமது யூனுஸ் தலைமையிலான இடைக்கால அரசு அந்நாட்டை ஆட்சி செய்ய உள்ளது.
