இலவச விசா வழங்கும் திட்டத்தை நடைமுறைப்படுத்த அமைச்சரவை தீர்மானித்துள்ளதாக ஆளும் கட்சியின் பிரதம கொறடா, அமைச்சர் பிரசன்ன ரணதுங்க தெரிவித்துள்ளார்.

தற்போது 38 நாடுகளுக்கு இலவச விசாவுடன் இலங்கைக்குள் பிரவேசிக்கும் வாய்ப்பு வழங்கப்பட்டுள்ளதாக அமைச்சர் வலியுறுத்தினார்.

இந்நாட்டின் சுற்றுலாத்துறையின் முன்னேற்றத்திற்கு இது மிகவும் நல்ல முடிவாக இருக்கும் என அமைச்சர் நம்பிக்கை தெரிவித்துள்ளார்.

பாராளுமன்றம் இன்று (03) சபாநாயகர் மஹிந்த யாப்பா அபேவர்தன தலைமையில் கூடியது. கம்பஹா மாவட்ட நாடாளுமன்ற உறுப்பினர் காவிந்த ஜயவர்தன எழுப்பிய கேள்விக்கு பதிலளிக்கும் போதே அமைச்சர் பிரசன்ன ரணதுங்க மேற்கண்டவாறு தெரிவித்தார்.

ஐக்கிய மக்கள் சக்தியின் கம்பஹா மாவட்ட நாடாளுமன்ற உறுப்பினர் காவிந்த ஜயவர்தன;

கெளரவ சபாநாயகர் அவர்களே, டெய்லி மிரர் பத்திரிகையில் ஒரு செய்தியைப் பார்த்தேன். சுற்றுலாத்துறை வெளிநாட்டு வருமானத்தின் முக்கிய ஆதாரங்களில் ஒன்றாகும். இன்று இலட்சக்கணக்கான சுற்றுலாப் பயணிகள் நாட்டிற்கு வந்து இலங்கைக்கு வர வேண்டிய விசாவைப் பெறுவதற்காக இலங்கை விமான நிலையத்தில் மணிக்கணக்கில் காத்திருக்கின்றனர். இவர்களுக்கு வருகை விசா மட்டுமே வழங்கப்படுகிறது. சுற்றுலாப் பயணிகள் எவ்வளவு சிரமத்திற்கு ஆளானார்கள் என்பதை இவர்கள் வீடியோ எடுத்து முகநூலில் பதிவிட்டதை பார்த்தோம்.

குடிவரவில் 110 அதிகாரிகள் பற்றாக்குறையாக உள்ளது. இப்படி ஒரு நிலை இருக்கும்போது, ​​நாட்டிற்கு அன்னியச் செலாவணியைக் கொண்டு வரும் சுற்றுலாப் பயணிகளுக்கு விசா வழங்கவும், அது குறித்து சில நடவடிக்கை எடுக்கவும் அரசு ஏன் தலையிட்டு விழிப்புணர்வு ஏற்படுத்தவில்லை. நீதிமன்றத்தில் வழக்கு இருப்பது எங்களுக்குத் தெரியும். அதில் நாம் தலையிட முடியாமல் போகலாம். ஆனால் வருகை விசா( On Arrival visa) வழங்கும் நடைமுறை தொடர்பான அதிகாரிகளின் எண்ணிக்கையை அதிகரிக்கவும், அவர்களுக்கு தேவையான வசதிகளை அரசு வழங்கவும் முடியும்.

இது நம் நாட்டிற்கு அவமானத்தை ஏற்படுத்துவதோடு நாட்டுக்கு கிடைக்கும் அந்நிய செலாவணி குறைந்தும் வருகிறது. இந்த சுற்றுலா பயணிகளிடமிருந்து 50 டொலர்கள் எடுக்கப்படுகின்றன. 2012 இல் சுற்றுலாப் பயணிகளுக்கு விசா இலவசமாக வழங்கப்பட்டதை நாம் அறிவோம்.

2012 முதல் ஏப்ரல் 2024 வரை, சிங்கப்பூர், சீசெல்ஸ் மாலைதீவுகளுக்கு இலவச விசா வழங்கப்பட்டது. ஆனால் சார்க் நாடுகளுக்கு இது 35 டொலர்கள் ஆக்கப்பட்டது. மற்ற நாடுகளுக்கு 50 டொலர்கள் எடுக்கப்பட்டது. அரசு இதில் கவனம் செலுத்தி சுற்றுலா பயணிகளுக்கு அந்த வசதிகளை செய்து கொடுக்க வேண்டும்.

ஸ்ரீலங்கா சுதந்திரக் கட்சியின் பிரதம கொறடா, அமைச்சர் பிரசன்ன ரணதுங்க;

அந்த பாராளுமன்றம் உறுப்பினர் முன்வைத்த விடயம் தொடர்பில் நேற்று அமைச்சரவையில் நீண்ட நேரம் கலந்துரையாடப்பட்டது. இலங்கைக்கு நடந்ததைப் போன்ற ஒன்று மாலைதீவுக்கும் நடந்தது. மாலைதீவில், வெளிநாட்டு கையிருப்பு இல்லாமல் அந்த நாட்டிற்குள் செல்ல எண்ணெய் கப்பல்கள் கடலில் வந்து தங்குகின்றன. வெளிநாட்டினர் நிறைந்த மாலைதீவுக்கும் இதேபோன்ற சம்பவம் நடந்துள்ளது.தற்போது இலங்கைக்கு சுற்றுலா பயணிகள் குவிந்து வருகின்றனர். இலவச விசா திட்டம் அமைச்சரவையில் முடிவு செய்யப்பட்டது.

இதுவரை 38 நாடுகளுக்கு இலங்கைக்குள் நுழைய இலவச விசா வழங்கப்பட்டுள்ளது.விமான நிலைய நெரிசல் நிமல் சிறிபால டி சில்வாவின் அமைச்சுக்கு பாதிப்பை ஏற்படுத்தவில்லை மாறாக குடிவரவையே பாதிக்கிறது. நேற்று அதுவும் ஆலோசிக்கப்பட்டு விசா வருகை விசா (On Arrival Visa)வுக்கு எளிதான அமைப்பை உருவாக்க வேண்டும் என்றார். இது குறித்து நேற்று கலந்துரையாடப்பட்டது. இது சுற்றுலா பயணிகளுக்கு நல்ல செய்தியாக இருக்கும்.