2019 ஆம் ஆண்டு இடம்பெற்ற ஈஸ்டர் ஞாயிறு தாக்குதல்களுக்கான பொறுப்பும், அதன் பின்னணி தொடர்பான விவாதங்களை மீண்டும் உயிர்ப்பிக்கக்கூடிய வகையில், கலகொட அத்தே ஞானசார தேரர் ஒரு முக்கியமான குற்றச்சாட்டை தற்போது வெளியிட்டுள்ளார்.
தனக்கு கிடைத்த தகவல்களை அடிப்படையாகக் கொண்டு,
“2014 ஜூன் 20ஆம் நாள், ஒரு முஸ்லிம் மதத் தலைவர் என்னிடம் வந்து, ‘இஸ்லாம்’ என்ற போர்வையில் ஒரு பெரிய படுகொலை நிகழும் அபாயம் உள்ளது எனத் தெரிவித்தார். உடனே நான் அப்போதைய பாதுகாப்புச் செயலாளர் கோட்டபய ராஜபக்ஷவை சந்தித்து, இந்நிலைமை குறித்து தகவலளித்தேன்,” என தேரர் தெரிவித்தார்.
அதன்படி,
“ராஜபக்ஷ ஆட்சிக் காலத்தில், எந்தவிதமான பயங்கரவாத தாக்குதலும் நிகழாதது, சரியான பாதுகாப்பு நடவடிக்கைகள் எடுக்கப்பட்டதனால் தான்,” எனவும் அவர் கூறினார்.
“அந்த நேரத்தில் 15க்கும் மேற்பட்ட தீவிரவாதக் குழுக்கள், தேசிய மக்கள் சக்தியின் கீழ் மறைந்து செயல்பட்டு வந்தன. இக்குழுக்கள் நல்லாட்சி அரசாங்கத்தை ஆட்சிக்கு கொண்டு வர திட்டமிட்டிருந்தன,” எனவும் ஞானசார தேரர் குற்றம் சாட்டினார்.
மேலும், சமீபத்தில் ஜப்பான் நாட்டிற்கு விஜயம் செய்த அனுர குமார திசாநாயக்க,
“ஈஸ்டர் தாக்குதல்களுக்கான உண்மைத் தகவல்களை முழுமையாக வெளியிட நடவடிக்கை எடுப்பேன்” என கூறியிருந்ததையும், “தாக்குதல்களில் ஈடுபட்ட குழுக்களின் பின்னணி குறித்து அவர் நன்கு அறிந்திருப்பார்,” எனவும் தேரர் வலியுறுத்தியுள்ளார்.
