இலங்கை டெஸ்ட் கிரிக்கெட் வீரர்களுக்கு வழங்கப்படும் கொடுப்பனவுகளை 100% அதிகரிக்க இலங்கை கிரிக்கெட் சபை நடவடிக்கை எடுத்துள்ளது.
டெஸ்ட் வீரர்களை ஊக்குவிக்கும் நோக்கிலும், டெஸ்ட் கிரிக்கெட்டுக்கு முன்னுரிமை அளிக்கும் நோக்கிலும் இந்த முடிவு எடுக்கப்பட்டுள்ளதாக கிரிக்கெட் அமைப்பு தெரிவித்துள்ளது.
புதிய போட்டிக் கட்டணத்தின்படி, ஒவ்வொரு வீரரின் போட்டி ஒப்பந்தத்தின் அடிப்படையில் இந்தக் கட்டணங்கள் அதிகரிக்கப்பட்டுள்ளதாகக் குறிப்பிடப்படுகிறது.
அதன்படி, ஒரு டெஸ்ட் போட்டியின் மூலம் ஒரு வீரர் கிட்டத்தட்ட 15,000 அமெரிக்க டாலர்களைப் பெறுவார், அதாவது இலங்கை நாணயத்தில் சுமார் 44 லட்சம் ரூபாய் என தெரிவிக்கப்படுகின்றது.
