இலங்கையில் 123,888 மெட்ரிக் தொன் டீசலும் 13,627 மெற்றிக் தொன் சுப்பர் டீசலும் இருப்பதாக முன்னாள் மின்சாரம் மற்றும் எரிசக்தி அமைச்சர் கஞ்சன விஜேசேகர தெரிவித்துள்ளார்.
தற்போதுள்ள எரிபொருள் கையிருப்பு தொடர்பில் தனது உத்தியோகபூர்வ X கணக்கில் குறிப்பொன்றை இடும் போதே முன்னாள் அமைச்சர் இதனைக் குறிப்பிட்டுள்ளார்
மேலும் இலங்கையில் தொண்ணூறாயிரத்து தொள்ளாயிரத்து எழுபத்தி இரண்டு மெட்ரிக் தொன் ஒக்டேன் 92 வகை பெட்ரோல் மற்றும் பதினெட்டாயிரத்து எழுநூற்று இருபத்தி ஒன்பது மெட்ரிக் தொன் ஒக்டேன் 95 வகை பெட்ரோல் உள்ளதாக இது தொடர்பான குறிப்பில் தெரிவிக்கப்பட்டுள்ளது.
நாட்டில் முப்பதாயிரத்து இருநூற்று தொண்ணூற்று ஐந்து மெற்றிக் தொன் விமான எரிபொருள் இருப்பதாகவும் அதில் குறிப்பிடப்பட்டுள்ளது.
அவர் தனது உத்தியோகபூர்வ காரையும் அமைச்சு அலுவலகத்தையும் கையளித்து புதிய ஜனாதிபதி அநுர குமார திஸாநாயக்கவுக்கு வாழ்த்து தெரிவித்ததாக குறித்த செய்தியில் மேலும் குறிப்பிடப்பட்டுள்ளது.
