ஐக்கிய தேசியக் கட்சியுடன் (UNP) பேச்சுவார்த்தை நடத்துவதற்காக ஐக்கிய மக்கள் சக்தி (SJB) சார்பாக நியமிக்கப்பட்ட குழுவிலிருந்து விலகுவதாக திஸ்ஸ அத்தநாயக்க தெரிவித்துள்ளார்.
இன்று (16) விசேட செய்தியாளர் சந்திப்பை நடத்தி உரையாற்றும் போதே திஸ்ஸ அத்தநாயக்க இந்த அறிவிப்பை வெளியிட்டார்.
திஸ்ஸ அத்தநாயக்க ஐக்கிய மக்கள் சக்தியின் தேசிய அமைப்பாளராகவும் உள்ளார்.
அவர் தனது விலகல் குறித்து மேலும் கருத்து தெரிவிக்கையில்:
“எங்கள் பணிப்பாளர்கள் குழுவும் நிர்வாகக் குழுவும் பேச்சுவார்த்தைகளைத் தொடங்க முடிவு செய்திருந்தன. அது குறித்து ஏதேனும் தெளிவின்மை இருந்திருந்தால், அது தெரிவிக்கப்பட்டிருக்கும்.”
பேச்சுவார்த்தைகள் தொடர விரும்பவில்லை என்றால், அவர்கள் அவ்வாறு செய்ய முடிவு செய்து இந்தப் பேச்சுவார்த்தைகளுக்கான கதவை மூடியிருக்கலாம். அதைத் தவிர, ஒருவரையொருவர் குற்றம் சாட்டுவது இதற்குப் பொருத்தமற்றது.
“எனவே, இந்த விவாதங்கள் குறித்து கட்சி ஒரு குறிப்பிட்ட நிலைப்பாட்டை எடுத்தால், அடுத்த நிர்வாகக் குழுவால் அந்த நிலைப்பாடு முடிவு செய்யப்படும் வரை நான் இந்த விவாதங்களில் மீண்டும் சேர மாட்டேன்.”
