follow the truth

follow the truth

July, 19, 2024
Homeஉலகம்முன்னாள் குத்துச்சண்டை வீரர் ஜனாதிபதி தேர்தலில் போட்டி

முன்னாள் குத்துச்சண்டை வீரர் ஜனாதிபதி தேர்தலில் போட்டி

Published on

பிலிப்பைன்ஸ் முன்னாள் குத்துச்சண்டை ஜாம்பவான் மேணி பக்கியாவ், அடுத்த வருடம் நடைபெறவுள்ள ஜனாதிபதி தேர்தலில் போட்டியிடவுள்ளதாக அறிவித்துள்ளார்.

ஜனாதிபதி ரொட்றிகோ டுட்டேர்ட்டேயின் ஆளுங் கட்சியிலுள்ள எதிர்தரப்பு ஒன்றினால் முன்வைக்கப்பட்ட பிரேரணையை ஏற்ற பின்னர், ஜனாதிபதி தேர்தலுக்கு தயாராகி விட்டதாக அவர் குறிப்பிட்டார்.

எட்டு பிரிவுகளில் உலக சம்பியனானவரும் பிலிப்பைன்ஸின் தேசிய ஹீரோவுமான பக்கியாவ், லாஸ் வேகாஸில் கியூப குத்துச்சண்டை வீரர் யோர்தேனிஸ் உகாஸிடம் தோல்வி அடைந்த சில வாரங்கள் கடந்த நிலையில், தனது நிலைப்பாட்டை வெளியிட்டார்.

காங்கிரஸ் கட்சி உறுப்பினராக அரசியலில் 2010ஆம் ஆண்டு பிரவேசித்த பக்கியாவ், பின்னர் செனட் சபை உறுப்பினராக தெரிவானார்..

42 வயதான பக்கியாவை பெருந்தன்மைக்காகவும் வறுமைக்கோட்டை கடந்து வந்து உலகின் மிகச் சிறந்த மற்றும் செல்வந்த குத்துச்சண்டை விரர்களில் ஒருவராக உயரிய நிலையை அடைந்தமைக்காகவும் பிலிப்பைன்ஸ் மக்கள் போற்றுகின்றனர்.

2022 ஜனாதிபதி தேர்தலில் டுட்டேர்ட்டேயின் புதல்வி சாராவை பக்கியாவ் எதிர்த்து போட்டியிடுவார் என எதிர்பார்க்கப்படுகின்றது.

 

LATEST NEWS

MORE ARTICLES

அல்-கொய்தா தலைவர் அமீன் உல் ஹக் கைது

அல்-கொய்தாவின் தலைவர் அமீன் உல் ஹக், பாகிஸ்தான் பயங்கரவாத எதிர்ப்பு அதிகாரிகளால் கைது செய்யப்பட்டதாக சர்வதேச செய்திகள் தெரிவிகின்றன. பாகிஸ்தானின்...

இத்தாலி பிரதமரின் உயரத்தை கேலி செய்த ஊடகவியலாளர்

மூன்று ஆண்டுகளுக்கு முன்பு அதாவது, 2021-ம் ஆண்டு, பத்திரிகையாளர் ஜியுலியா கோர்ட்டீஸ் தன் எக்ஸ் பக்கத்தில், தற்போதைய பிரதமர்...

உலகம் முழுவதும் பதிவாகியுள்ள தொழில்நுட்பக் கோளாறு

விமான நிறுவனங்கள் மற்றும் வங்கிகள் உள்ளிட்ட முக்கிய துறைகளை பாதிக்கும் வலுவான தகவல் தொழில்நுட்ப செயலிழப்பு உலகம் முழுவதும்...