கொழும்பு மாநகரம் மற்றும் கொலன்னாவ மாநகரங்களில் நகர மறுமலர்ச்சி திட்டத்தின் மூலம் நிர்மாணிக்கப்பட்ட 24 வீடமைப்புத் திட்டங்களுக்கும் நடுத்தர வருமான வீடமைப்புத் திட்டத்தின் மூலம் நிர்மாணிக்கப்பட்ட இரண்டு வீட்டுத் திட்டங்களுக்கும் உரிமைப் பத்திரங்களை வழங்குவதை துரிதப்படுத்துமாறு நகர அபிவிருத்தி அதிகார சபைக்கு நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க, ஆலோசனை வழங்கியுள்ளார்.

அதன்படி, இந்த ஆண்டு இறுதிக்குள் பட்டாப் பத்திரங்களை முடிக்க முடியும் என நகர அபிவிருத்தி அதிகார சபை தெரிவித்துள்ளது.

நகர அபிவிருத்தி அதிகார சபையின் கூற்றுப்படி, நகர மறுமலர்ச்சித் திட்டத்தின் ஊடாக கொழும்பு நகரம் மற்றும் கொலன்னாவ மாநகர சபைப் பகுதியை மையமாகக் கொண்ட 24 வீட்டுத் திட்டங்களின் கீழ் 14,607 வீட்டுத் தொகுதிகள் நிர்மாணிக்கப்பட்டுள்ளன.