நைஜீரியாவின் ஜனாதிபதித் தேர்தலில் ஆளுங்கட்சி வேட்பாளர் போலா டினுபு வெற்றி பெற்றுள்ளார்.
2015ஆம் ஆண்டு முதல் ஆட்சியிலுள்ள ஜனாதிபதி மொஹம்மது புஹாரி 2 தவணைகள் பதவி வகித்ததால் அவர் இத்தேர்தலில் போட்டியிடவில்லை. அவரின் அகில முற்போக்கு காங்கிரஸ் (ஏபிசி) கட்சியின் சார்பில் லாகோஸ் மாநில முன்னாள் ஆளுநர் போலா அஹ்மத் டினுபு (70) போட்டியிட்டார்.
கடந்த சனிக்கிழமை நடைபெற்ற இத்தேர்தலில் ஆளும் அகில முற்போக்கு காங்கிரஸ் (ஏபிசி) வேட்பாளர் வெற்றியீட்டியுள்ளார் என அந்நாட்டு தேர்தல்கள் ஆணைக்குழு இன்று புதன்கிழமை அறிவித்துள்ளது.