எரிபொருள் விலை குறைப்பின் அடிப்படையாகக் கொண்டு முச்சக்கரவண்டி கட்டணத்தை குறைக்க முடியாது என அகில இலங்கை முச்சக்கரவண்டி தொழில் முயற்சியாளர் ஒன்றியம் தெரிவித்துள்ளது.
ஒரு லீற்றர் பெட்ரோலின் விலை 60 ரூபாவிலிருந்து குறைக்கப்பட்டுள்ளதால் முச்சக்கரவண்டிக் கட்டணத்தை கிலோமீட்டருக்கு 10 ரூபாவினால் குறைக்குமாறு முன்வைக்கும் கோரிக்கையை ஏற்றுக்கொள்ள முடியாது என சங்கத்தின் தலைவர் மெரில் திஸாநாயக்க தெரிவித்தார்.
டயர்களின் விலை, பராமரிப்புச் செலவுகள் மற்றும் நுகர்வுப் பொருட்களின் விலையேற்றம் காரணமாக தொழில்துறை வீழ்ச்சியடைந்துள்ளதாகவும் மக்கள் முச்சக்கரவண்டி பாவனையை மட்டுப்படுத்தியுள்ளதாகவும் திஸாநாயக்க தெரிவித்தார்.
பெட்ரோல் விலைக் குறைப்பினால் முச்சக்கர வண்டி உரிமையாளருக்கு கிலோமீற்றருக்கு 3 ரூபா நிவாரணம் கிடைத்துள்ளதாகவும், ஆனால் ஏனைய உயர் செலவுகளுடன் ஒப்பிடுகையில் அது சொற்பமே எனவும் அவர் தெரிவித்துள்ளார்.
எனவே முச்சக்கர வண்டி கட்டணத்தை குறைக்கவே முடியாது என.மெரில் திஸாநாயக்க மேலும் தெரிவித்தார்
