ஆப்கானிஸ்தானிலுள்ள ஐக்கிய நாடுகள் அலுவலகங்களில் பணியாற்றும் ஊழியர்கள் அலுவலகங்களுக்கு சமுகம் அளிக்க வேண்டாம் என ஐக்கிய நாடுகள் அறிவுறுத்தியுள்ளது.
தொண்டர் நிறுவனங்களில் ஆப்கானிஸ்தான் பெண்கள் பணியாற்றுவதற்கு தலிபான் தடை விதித்துள்ளதையடுத்து ஐக்கிய நாடுகள் இவ்வாறு தெரிவித்துள்ளது.
அத்துடன், ஆப்கானிஸ்தானில் தொடர்ந்தும் செயற்படுவதா என்பது குறித்து தீர்மானமொன்றை மேற்கொள்ள வேண்டியுள்ளது என ஐக்கிய நாடுகள் ஸ்தாபனம் தெரிவித்துள்ளது.
உள்ளூர் மற்றும் சர்வதேச தொண்டர் ஸ்தாபனங்களில் ஆப்கானிஸ்தான் பெண்கள் பணியாற்றுவதற்கு கடந்த டிசெம்பர் இறுதியில் தலிபான்கள் தடை விதித்தனர்.
