ஒன்றரை மாதங்களுக்கு முன்னர் சிலர் தம்மைக் கொல்ல முயற்சித்ததாக முன்னாள் விளையாட்டுத்துறை அமைச்சர் ரொஷான் ரணசிங்க தெரிவித்திருந்தார்.
தேசிய ஜனநாயக முன்னணியின் மே மாதக் கூட்டத்தில் கலந்து கொண்டு கருத்துத் தெரிவிக்கையிலேயே அவர் மேற்கண்டவாறு தெரிவித்தார்.
அவர் ஜப்பான் செல்லும் வழியில் ஜப்பானிய விமான நிலையத்திலிருந்து இறங்கவிருந்தபோது, அவரது சிறுநீர் அமைப்பு படிப்படியாக செயலிழந்து வந்ததாக தெரிவித்தார்.
அங்கு ஜப்பானில் இது தொடர்பாக சோதனை நடத்தியதில் அவருக்கு வழங்கப்பட்ட உணவில் இரசாயனப் பொருள் இருந்ததை தெளிவாக அவதானித்ததில் அந்த உணவில் விஷம் கலந்ததால் அவரது சிறுநீர் வெளியேற்ற அமைப்பு செயலிழந்தது தெரியவந்ததாகவும் தெரிவித்திருந்தார்.
தனது உணவில் விஷம் கலந்து தம்மை யாரோ கொல்ல முயற்சித்ததாக ரொஷான் ரணசிங்க கூறுகிறார்.
இதனால் தானும் கிட்டத்தட்ட ஒன்றரை மாதங்கள் அமைதியாக இருந்ததாகவும், மேலும் 25 நாட்கள் ஓய்வில் இருக்குமாறு மருத்துவர்கள் பரிந்துரைத்துள்ளதாகவும் அவர் மேலும் குறிப்பிட்டுள்ளார்.
