தமது அரசாங்கத்தின் கீழ் 13ஆவது அரசியலமைப்புத் திருத்தம் அமுல்படுத்தப்படும் என எதிர்க்கட்சித் தலைவர் நேற்றுமுன்தினம் (09) இடம்பெற்ற மக்கள் சந்திப்பில் தெரிவித்துள்ளார்.

நேற்று(10) ஹோகந்தர பிரதேசத்தில் இடம்பெற்ற கூட்டமொன்றில் புதிய மக்கள் முன்னணியின் தலைவர் சுகீஸ்வர பண்டார, எதிர்க்கட்சித் தலைவருக்கு 13ஐ அமுல்படுத்தும் பணி திடீரென நினைவுக்கு வந்ததாகக் குறிப்பிட்டார்.

அங்கு மேலும் கருத்து தெரிவித்த சுகீஸ்வர பண்டார மேலும் கூறியதாவது:

“தேர்தல் நெருங்கும் போது எதிர்க்கட்சித் தலைவருக்கு 13ஆவது திருத்தச் சட்டத்தை அமுல்படுத்த ஞாபகம் வந்துள்ளது. அதுவும் திடீரென தூக்கத்தில் இருந்து விழித்தவன் போல எதிர்க்கட்சித் தலைவர் 13ஐ அமல்படுத்த முயற்சிக்கிறார்.

யார் என்ன சொன்னாலும் தமிழ் மக்களின் ஆசைக்கு நாட்டைப் பணயக் கைதியாக வைத்திருக்கக் கூடாது என்பதை எதிர்க்கட்சித் தலைவரிடம் கூற விரும்புகிறோம். ஏனெனில் கிளிநொச்சியில் நடைபெற்ற வைபவம் ஒன்றில் எதிர்க்கட்சித் தலைவர் இதனைத் தெரிவித்தார்.

இத்தனை நாட்கள் மௌனம் காத்து, இந்திய நிர்ப்பந்தத்தை எங்கள் மக்கள் மீது திணிக்க நீங்கள் தயாராகுங்கள், எதிர்க்கட்சித் தலைவர் மட்டுமல்ல, தென்னிலங்கை மக்களின் எதிர்வினையை எவரும் உடனடியாகப் பார்த்துக் கொள்ளலாம்.

கடுமையான பொருளாதார நெருக்கடியில் இருந்து நாடு மெல்ல மீண்டு வரும் இவ்வேளையில் நாட்டைப் பணயக்கைதியாக வைத்திருக்கும் இந்த அறிக்கைகள் தொடர்பில் நாட்டு மக்கள் அனைவரும் மிகுந்த அவதானத்துடன் இருக்குமாறு கேட்டுக்கொள்கின்றேன்.

ஜனாதிபதி கனவு தொடர்பில் எதிர்க்கட்சித் தலைவரின் இந்தக் கருத்துக்கள் சிங்கள, தமிழ், முஸ்லிம், பர்கர் என்ற வேறுபாடின்றி நிராகரிக்கப்பட வேண்டும் என்பதே எமது உணர்வு..” எனவும் அவர் மேலும் தெரிவித்தார்.