தேர்தல் தொடர்பில் மக்கள் கருத்து கணிப்பு நடத்துவது தொடர்பில் அண்மைய நாட்களில் பல சுற்று கலந்துரையாடல்கள் இடம்பெற்றுள்ளதாக அரசியல் வட்டாரங்கள் தெரிவிக்கின்றன.
இந்த கலந்துரையாடல் ஒன்று பத்தரமுல்ல பிரதேசத்தில் உள்ள பிரபல ஹோட்டல் ஒன்றில் இரண்டு தடவைகள் இடம்பெற்றுள்ளதாக தெரிவிக்கப்படுகின்றது.
முன்னாள் ஜனாதிபதி ஜே.ஆர்.ஜெயவர்தனவினால் பாராளுமன்றத்தின் காலத்தினை நீடிப்பதற்கான மக்கள் கருத்து கணிப்பு நடத்தப்பட்ட போது, தற்போதைய அரசாங்கமும் செயற்பட முடியுமா என சட்ட வல்லுனர்களிடம் கேட்டுள்ளதாக தெரிய வருகின்றது.
எவ்வாறாயினும், இந்த நடவடிக்கைகளுக்கு நீதிமன்றத் தடைகள் ஏற்பட்டால் மேற்கொள்ள வேண்டிய மாற்று வழிகள் குறித்தும் கலந்துரையாடப்பட்டதாகக் குறிப்பிடப்படுகிறது.
மக்கள் கருத்து கணிப்பு நடத்துவதற்கு இரண்டு வாய்ப்புகள் இருப்பதாகவும், தேசிய ரீதியில் முக்கியமான பிரச்சினையை ஜனாதிபதி குறிப்பிட்டு சர்வஜன வாக்கெடுப்பு நடத்த வேண்டும் என்றும் சட்ட வல்லுநர்கள் கருத்து தெரிவிக்கின்றனர்.
நாடாளுமன்றத்தில் மூன்றில் இரண்டு பெரும்பான்மையுடன் சட்டம் நிறைவேற்றப்பட்டதை உச்ச நீதிமன்றம் ஏற்றுக்கொண்டால், பொது வாக்கெடுப்பு நடத்தலாம் என்றும் சட்ட நிபுணர்கள் கருத்து தெரிவித்துள்ளனர்.
எவ்வாறாயினும் எதிர்வரும் ஜூலை மாதம் மக்கள் கருத்து கணிப்பை நடத்துவதற்கு அரசாங்கம் திட்டமிட்டுள்ளதாக அரசியல் வட்டாரங்கள் மேலும் தெரிவிக்கின்றன.
