அரசாங்கத்தை பிரதிநிதித்துவப்படுத்தும் 7 பாராளுமன்ற உறுப்பினர்கள் ஐக்கிய மக்கள் சக்தியில் இணைய தயாராக இருப்பதாக பாராளுமன்ற உறுப்பினர் ரஞ்சித் மத்தும பண்டார தெரிவித்துள்ளார்.
அந்த எம்பிக்கள் ஏற்கனவே ஐக்கிய மக்கள் சக்தியில் இணைவதற்கான இணக்கப்பாட்டுக்கு வந்துள்ளதாகவும், அவர்கள் உள்வாங்கப்பட்டதன் பின்னர் வழங்கப்படும் பொறுப்புகள் தொடர்பிலான இறுதிக்கட்ட பேச்சுவார்த்தை இந்த நாட்களில் இடம்பெறவுள்ளதாகவும் தெரிவித்திருந்தார்.
எதிர்வரும் அனைத்து தேர்தல்களும் ஐக்கிய மக்கள் கூட்டணியின் கீழ் போட்டியிடும் எனவும், எதிர்வரும் சில தினங்களில் ஐக்கிய மக்கள் கூட்டணியின் வெளிக்கொணர அனைத்து ஏற்பாடுகளும் மேற்கொள்ளப்பட்டு வருவதாகவும் அவர் மேலும் தெரிவித்தார்.
