ஒரே பாலின உறவுகள் குற்றமாகாது என்பதற்காக குற்றவியல் சட்டத்தில் திருத்தத்தை முன்வைப்பதற்கு தமது கட்சி இணங்குவதாக தேசிய மக்கள் சக்தியின் நாடாளுமன்ற உறுப்பினர் ஹரிணி அமரசூரிய தெரிவித்துள்ளார்.
இதன்படி, நாடாளுமன்ற உறுப்பினர் பிரேமநாத் தொலவத்தவினால் கொண்டுவரப்பட்ட பொருத்தமான பிரேரணைக்கு தமது கட்சி ஆதரவளிப்பதாக அவர் தெரிவித்தார்.
தெரண தொலைக்காட்சியில் இடம்பெற்ற கலந்துரையாடல் ஒன்றின் போதே அவர் மேற்கண்டவாறு தெரிவித்தார்.
ஒரே பாலின உறவுகள் மற்றும் பிற குழுக்களும் இந்த சமூகத்தில் அங்கம் வகிப்பவர்கள் என்றும், அவர்களை வித்தியாசமாக நடத்தக்கூடாது என்றும் தனது கட்சி கருதுவதாக அவர் தெரிவித்திருந்தார்.
