ராஜித சேனாரத்ன, சம்பிக்க ரணவக்க மற்றும் சரத் பொன்சேகா ஆகியோர் ஜனாதிபதி ரணில் விக்கிரமசிங்கவுடன் கூட்டணி அமைக்கப் போவதாக அரசியல் வட்டாரத் தகவல்கள் கிசுகிசுக்கிறன.
எதிர்வரும் இரண்டு வாரங்களுக்குள் நடைபெறவுள்ள அமைச்சரவை மாற்றத்தில் அவர்களுக்கும் அமைச்சுப் பதவி கிடைக்க அதிக வாய்ப்புகள் உள்ளதாகவும் தெரிவிக்கப்படுகின்றது.
இந்த அரசியல்வாதிகள் ஜனாதிபதியுடன் இணைவது தொடர்பான உத்தியோகபூர்வ வைபவம் இந்த வாரத்தின் இறுதியில் நடைபெறவுள்ளதாக மேலும் தெரிவிக்கப்படுகின்றது.
இன்றைய தினம் ஜனாதிபதி ரணில் விக்கிரமசிங்கவினால் நாட்டு மக்களுக்கு உரையாற்றியதன் பின்னர் இந்த அரசியல் மாற்றங்கள் இடம்பெறும் எனவும் நம்பப்படுகின்றது.
