குடிவரவு மற்றும் குடியகல்வு சட்டத்தை மீறி போலி தகவல்களை முன்வைத்து கடவுச்சீட்டு பெற்றுக்கொண்ட குற்றச்சாட்டில் முன்னாள் அமைச்சர் டயனா கமகேவிற்கு எதிராக கொழும்பு பிரதான நீதவான் நீதிமன்றில் வழக்கு தாக்கல் செய்யப்பட்டுள்ளது.
குற்றப் புலனாய்வு திணைக்களத்தினால் முறைப்பாடு தாக்கல் செய்யப்பட்டு வழக்கு தொடரப்பட்டதுடன் குற்றப்பத்திரிகையை வாசிக்கும் செயற்பாடு ஓகஸ்ட் மாதம் முதலாம் திகதி இடம்பெறுமென கொழும்பு மேலதிக நீதவான் ஹர்ஷன கெக்குனுவெல தெரிவித்தார்.
