ஸ்ரீலங்கா பொதுஜன பெரமுனவைச் சுற்றி குறைந்தபட்சம் 40 இலட்சம் நிலையான வாக்குகள் இருப்பதாகவும், ஸ்ரீலங்கா பொதுஜன பெரமுன வேட்பாளர் நாமல் ராஜபக்ஷ 40 இலட்சத்துடன் தேர்தல் பிரச்சாரத்தினை ஆரம்பிப்பார் என்றும் நாடாளுமன்ற உறுப்பினர் ஜானக திஸ்ஸகுட்டி ஆராச்சி தெரிவித்தார்
எதிர்வரும் ஜனாதிபதித் தேர்தல் தொடர்பில் ஸ்ரீலங்கா பொதுஜன பெரமுன கட்சியின் தலைமையகத்தில் நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்
அங்கு மேலும் கருத்து தெரிவித்த பாராளுமன்ற உறுப்பினர் ஜானக திஸ்ஸகுட்டி ஆராச்சி;
“… ஜனாதிபதி வேட்பாளர் யார் என்பதை நாடே எதிர்பார்த்துக் கொண்டிருந்தது. முதலில் அநுர குமார திஸாநாயக்க போட்டி மைதானத்திற்கு வருவதை அறிந்தோம். சஜித் பிரேமதாச போட்டி மைதானத்திற்கு வருகிறார். ரணில் விக்கிரமசிங்கவும் ஜனாதிபதி தேர்தலுக்கு வரப்போவதாக அறிவித்தார்.
வேட்பாளர் யார் என்று நாடே ஆவலுடன் காத்திருந்தது. நாமல் ராஜபக்ச போன்ற திறமையான இளம் வேட்பாளர் ஒருவர் நிச்சயமாக வருவார் என யாரும் எதிர்பார்க்கவில்லை. ஆனால் யாரும் எதிர்பார்க்காத தருணத்தில் எங்கள் வேட்பாளர் முன்வைக்கப்பட்டார்.
முழு நாடும் ஒரே இடத்திற்கு வரும் என்று நினைக்கிறேன். ஒவ்வொரு தாயும் தந்தையும் தங்கள் குழந்தைகளை மிகவும் நேசிக்கிறார்கள்..
