follow the truth

follow the truth

July, 10, 2025
HomeTOP2பொதுத் தேர்தலில் நாமல் போட்டியிட மாட்டாராம்

பொதுத் தேர்தலில் நாமல் போட்டியிட மாட்டாராம்

Published on

ஸ்ரீலங்கா பொதுஜன பெரமுனவின் தேசிய அமைப்பாளரும் ஸ்ரீலங்கா பொதுஜன பெரமுனவின் தலைவருமான நாமல் ராஜபக்ச 2024ஆம் ஆண்டு பொதுத் தேர்தலில் போட்டியிட மாட்டார் என அக்கட்சியின் நம்பகமான வட்டாரம் தெரிவித்துள்ளது.

முன்னாள் ஜனாதிபதி மஹிந்த ராஜபக்ஷ இந்தத் தேர்தலுக்கான வேட்புமனுவை இன்னும் சமர்ப்பிக்கவில்லை எனவும் அவர் இந்தத் தேர்தலில் போட்டியிடுவதில்லை எனத் தீர்மானித்துள்ளதாகவும் கட்சியின் உள்ளகத் தகவல்கள் தெரிவிக்கின்றன.

ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷவும் இந்த தேர்தலில் போட்டியிடாமல் தேசியப்பட்டியலில் இருந்து நாடாளுமன்றத்திற்கு போட்டியிட திட்டமிட்டுள்ளதாகவும் தகவல்கள் தெரிவிக்கின்றன.

அதன்படி இத்தேர்தலுக்கு ஹம்பாந்தோட்டை மாவட்ட அணித் தலைவராக முன்னாள் நாடாளுமன்ற உறுப்பினர் டி. வி. சானகவை நியமிக்க ஸ்ரீலங்கா பொதுஜன பெரமுன தீர்மானித்துள்ளது.

ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷ இந்த ஆண்டு நடைபெறவுள்ள பொதுத் தேர்தல் ஒரு கட்சி என்ற ரீதியில் மிகவும் முக்கியத்துவம் வாய்ந்ததாக இருப்பதால், அவரை ஒரு மாவட்டத்திற்கு மட்டும் மட்டுப்படுத்தக் கூடாது என அக்கட்சியின் அரசியல் சபை மற்றும் நிர்வாக சபை தீர்மானித்துள்ளது.

இதன்படி, 2024ஆம் ஆண்டு நடைபெறவுள்ள பொதுத் தேர்தலில் நாமல் ராஜபக்ச போட்டியிட மாட்டார் என கட்சியின் சிரேஷ்ட உறுப்பினர் ஒருவர் தெரிவித்தார்.

spot_img

LATEST NEWS

MORE ARTICLES

சட்டத்தை மீறுபவர் ஒருபோதும் சட்டமியற்றுபவராக இருக்க முடியாது

சட்டத்தை மீறுபவர் ஒருபோதும் சட்டமியற்றுபவராக இருக்க முடியாது என கொட்டாஞ்சேனை நல்லாயன் கன்னியர் மடம் (Good Shepherd Convent)...

தமிழ் மொழியை கொச்சைப்படுத்தும் வகையில் எதிரணிசெயற்படுவது கவலையளிக்கின்றது

தமிழ் மொழியை கொச்சைப்படுத்தும் வகையில் எதிரணி செயற்படுவது கவலையளிக்கின்றது என்று கடற்றொழில், நீரியல் மற்றும் கடல் வளங்கள் அமைச்சர்...

இலஞ்சம் பெற்ற பொலிஸ் அதிகாரி கைது

ராகம வைத்தியசாலையின் நுழைவாயிலுக்கு அருகில் 200,000 ரூபா இலஞ்சம் பெற்றதாகக் கூறப்படும் ராகம பொலிஸ் அதிகாரி ஒருவர் இலஞ்ச...