ஆப்கானிஸ்தானுக்கு எதிரான இரண்டாவது ஒரு நாள் போட்டியில் பாகிஸ்தான் அணி 01 விக்கெட் வித்தியாசத்தில் வெற்றி பெற்றது.
இதன்படி மூன்று போட்டிகள் கொண்ட ஒருநாள் தொடரை ஒரு போட்டி எஞ்சியிருக்கும் நிலையில் 2-0 என பாகிஸ்தான் அணி கைப்பற்றியது.
ஹம்பாந்தோட்டையில் நடைபெற்ற இப்போட்டியில் முதலில் துடுப்பெடுத்தாடிய ஆப்கானிஸ்தான் அணி நிர்ணயிக்கப்பட்ட 50 ஓவர்கள் முடிவில் 05 விக்கெட்டுகளை இழந்து 300 ஓட்டங்களைப் பெற்றது.
ஆப்கானிஸ்தானின் முதல் விக்கெட் பார்ட்னர்ஷிப் 227 ஓட்டங்களைப் பெற்றது.
சிறப்பான ஆட்டத்தை வெளிப்படுத்திய ரஹ்மானுல்லா குருபாஸ் 151 ஓட்டங்களைப் பெற்றார்.
பதில் இன்னிங்ஸை விளையாடிய பாகிஸ்தான் அணி 49 ஓவர்கள் 05 பந்துகள் முடிவில் 9 விக்கெட்டுக்கு 302 ஓட்டங்களை எடுத்து வெற்றி பெற்றது.
இமாம் உல்-ஹக் 91 ஓட்டங்களும், கேப்டன் பாபர் ஆசம் 53 ஓட்டங்களும் எடுத்தனர்.
இரு நாடுகளுக்கும் இடையிலான மூன்றாவதும் இறுதியுமான ஒரு நாள் போட்டி நாளை (26) கொழும்பு ஆர். பிரேமதாச மைதானத்தில் நடைபெறவுள்ளது.
