சந்தையில் அரிசியின் விலை உயர்வும், சந்தையில் சிவப்பு கச்சா அரிசி தட்டுப்பாடு தொடர்பிலும் தமக்கு எவ்வித முறைப்பாடும் வரவில்லை என விவசாய நீர்ப்பாசனம் மற்றும் விவசாய சேவைகள் அமைச்சர் கே.டி. லால் காந்த தெரிவித்தார்.
சிவப்பு கச்சா அரிசிக்கு தட்டுப்பாடு நிலவுகிறது என்றும் யாரும் சொல்லவில்லை. நுகர்வோர்களுக்கு தட்டுப்பாடு இன்றி கொள்வனவு செய்வதற்கு சந்தையில் ஏராளமாக அரிசி உள்ளதாக கண்டி மாவட்ட செயலக கேட்போர் கூடத்தில் இடம்பெற்ற கூட்டத்தின் பின்னர் ஊடகவியலாளர்கள் நாட்டில் நிலவும் அரிசி தட்டுப்பாடு குறித்து வினவிய போதே இவ்வாறு தெரிவித்தார்.
அங்கு விவசாய அமைச்சரிடம் கேள்வி எழுப்பிய ஊடகவியலாளர்கள், சாமானிய மக்கள் உண்ணும் மதுபானத்தின் விலையேற்றத்தால் தர்மசங்கடமாக உள்ளதா என கேள்வி எழுப்பினர்.
அப்போது பதிலளித்த அமைச்சர் லால்காந்த, ஆம், ஆம், நானும் அது தொடர்பில் வருத்தமடைகின்றேன்.
ஆனால் என்ன செய்வது, அரசு செலவை ஏற்க வேண்டும். வரியை அதிகரிக்காமல் வேறு எதுவும் செய்ய முடியாது என்று மெதுவான புன்னகையுடன் கூறினார்.
இந்நிகழ்வில் அரசாங்கத்தின் கண்டி மாவட்டத்தைச் சேர்ந்த பாராளுமன்ற உறுப்பினர்கள், பாராளுமன்ற உறுப்பினர்கள் மற்றும் அரச அதிகாரிகளும் கலந்துகொண்டனர்.
