இலஞ்சம் பெற்ற சம்பவம் தொடர்பாக கைது செய்யப்பட்டு விளக்கமறியலில் வைக்கப்பட்டிருந்த மோட்டார் வாகன போக்குவரத்துத் திணைக்களத்தின் நாரஹேன்பிட்டி கிளையின் பிரதி ஆணையாளர் உட்பட மூன்று சந்தேக நபர்களையும் ஜூலை 7 ஆம் திகதி வரை தொடர்ந்து விளக்கமறியலில் வைக்குமாறு கொழும்பு நீதவான் நீதிமன்றம் இன்று (20) உத்தரவிட்டது.
இலஞ்சமாகப் பெறப்பட்ட சுமார் 40 இலட்சம் ரூபாயை தம்வசம் வைத்திருந்ததாக சந்தேகத்தின் பேரில் இந்த சந்தேக நபர்கள் முன்னர் கைது செய்யப்பட்டு விளக்கமறியலில் வைக்கப்பட்டிருந்தனர்.
