தமது குடும்ப உறுப்பினர்களுக்கும் காப்புறுதித் தொகையை வழங்குமாறு, பாராளுமன்ற உறுப்பினர்கள் பலர் பாராளுமன்ற தலைவர்களிடம் கோரிக்கை விடுத்துள்ளதாக தெரிவிக்கப்பட்டுள்ளது.
ஒவ்வொரு பாராளுமன்ற உறுப்பினர்களுக்கும் மாத்திரம் தற்போது ஆண்டுதோறும் வழங்கப்படும் காப்பீட்டுத் தொகையின் மதிப்பு 10 இலட்சம் ரூபாய் ஆகும்.
இந்தநிலையில் அந்த காப்புறுதித் தொகையில் இருந்து குறிப்பிட்ட தொகையை குடும்ப உறுப்பினர்களுக்கும், காப்பீட்டுத் தொகையாக வழங்குமாறு அவர்கள் கோரிக்கை விடுத்துள்ளதாக தெரிவிக்கப்பட்டுள்ளது.
எதிர்வரும் வாரங்களில் பாராளுமன்ற சபைக் குழுவின் கூட்டம் நடைபெற உள்ளதாகவும், அதன்போது இந்தவிடயம் தொடர்பில் கலந்துரையாட உள்ளதாகவும் தகவல்கள் வெளியாகியுள்ளன.
