வைத்தியர்களுக்கு வழங்கப்படவுள்ள 35,000 ரூபா கொடுப்பனவை தமக்கு வழங்குமாறு கோரி சுகாதார சேவையின் பல தொழிற்சங்கங்கள் ஒன்றிணைந்து ஆரம்பித்துள்ள பணிப்புறக்கணிப்பு போராட்டத்தை முடிவுக்கு கொண்டுவர தீர்மானிக்கப்பட்டுள்ளது.
இந்த கொடுப்பனவை வழங்குவதற்கு அமைச்சரவை எடுத்த தீர்மானத்துடன், மருத்துவ நிபுணர்கள் கடந்த செவ்வாய்கிழமை பணிப்புறக்கணிப்பு போராட்டத்தை ஆரம்பித்ததுடன், நாடளாவிய ரீதியில் வைத்தியசாலைகளின் செயற்பாடுகள் பாதிக்கப்பட்டன.
இவ்வாறானதொரு பின்னணியில், வைத்தியசாலை செயலாளர்கள், நிர்வாக உத்தியோகத்தர்கள், சுகாதார பணி உதவியாளர்கள் உள்ளிட்ட சுகாதார ஊழியர்களும் நேற்று காலை 6 மணி முதல் ஒரு நாள் பணிப்புறக்கணிப்பை ஆரம்பித்து இன்று காலை 8.00 மணியுடன் நடவடிக்கையை முடிவுக்கு கொண்டுவர தீர்மானித்துள்ளனர்.
இது தொடர்பில் கருத்து தெரிவித்த சுகாதார சேவை தொழிற்சங்க கூட்டமைப்பின் அழைப்பாளர் ரவி குமுதேஷ், இந்த பிரச்சினைக்கு தீர்வு காண ஜனாதிபதி தலையிடாவிட்டால் எதிர்காலத்தில் மீண்டும் தொழில் நடவடிக்கையில் ஈடுபடவுள்ளதாக தெரிவித்தார்.
இதேவேளை, சுகாதார அமைச்சர் ரமேஷ் பத்திரனவிற்கும் அகில இலங்கை தாதியர் சங்கத்தின் பிரதிநிதிகளுக்கும் இடையிலான சந்திப்பொன்று இன்று நடைபெறவுள்ளது.
தற்போதைய நிலைமைகள் மற்றும் தனது முன்மொழிவுகள் அடங்கிய கடிதத்தை அமைச்சரிடம் கையளிக்கவுள்ளதாக சங்கத்தின் செயலாளர் எஸ்.பி.மடிவத்த தெரிவித்தார்.
மருத்துவ மற்றும் சிவில் உரிமைகளுக்கான வைத்தியர்களின் தொழிற்சங்க கூட்டமைப்பின் தலைவர் வைத்தியர் சமல் சஞ்சீவ, பல்வேறு பூச்சுகளை பூசும் கொள்கைகளால் சுகாதார அமைப்பில் பல முரண்பாடுகள் உருவாக்கப்பட்டுள்ளதாகவும் குறிப்பிட்டார்.
இருப்பினும், தொழில்முறை உரிமைகளை வென்றெடுப்பதற்காக ஆதரவற்ற நோயாளிகளை பணயக்கைதிகளாக வைத்திருப்பதற்காக தொழிற்சங்கங்கள் மீது பொதுமக்களின் அதிருப்தி உள்ளது.
இதற்கிடையில் வேலைநிறுத்தம் காரணமாக வீழ்ச்சியடைந்த சுகாதார சேவைகளை ஓரளவுக்கு பராமரிக்க இலங்கை இராணுவம் ஈடுபடுத்தப்பட்டுள்ளது.
