அதிபர் – ஆசிரியர்களின் வேதன அதிகரிப்புக்கு இணையாக, கல்வி நிர்வாக மற்றும் ஆசிரியர் கல்வியாளர் சேவைகளுக்கும், வேதன உயர்வு அவசியம் என வலியுறுத்தி, இலங்கை கல்வி நிர்வாக சேவை சங்கத்தினால் இன்று தொழிற்சங்க நடவடிக்கை முன்னெடுக்கப்படுகிறது.
சுகயீன விடுமுறை அறிக்கையிட்டு, அந்த சங்கத்தினர் தொழிற்சங்க நடவடிக்கையில் ஈடுபட்டுள்ளனர்.
இந்த நிலையில், இன்று மாலை தொழிற்சங்க அங்கத்தவர்களுடன் விசேட கலந்துரையாடலில் ஈடுபட உள்ளதாக அந்த சங்கத்தின் செயலாளர் நீல் அத்துகோரல தெரிவித்துள்ளார்.
தற்போது முன்னெடுக்கப்படும் தொழிற்சங்க நடவடிக்கையை, மேலும் கடுமையாக்குவதா? இல்லையா? என்பது குறித்து இந்தக் கலந்துரையாடலில் தீர்மானிக்கப்படும் என்றும் அவர் கூறியுள்ளார்.
